Revista ‘Vogue’ merr masa të rrepta për të parandaluar skandalet seksuale me modelet

Botuesi i revistës prestigjioze ‘Vogue’ ka vendosur të publikojë një kod të ri duke u bazuar në skandalet seksuale të ndodhura së fundmi. ‘Condé Nast International’ që publikon edhe revistat ‘GQ’, ‘Glamour’ dhe ‘Vanity Fair’ njoftoi se nuk do të pranojë më modele nën 18 vjeç dhe nuk do t’i lejoj fotografët të qëndrojnë vetëm me modelet gjatë fotografimit. Modelet gjithashtu mund të heqin dorë nga kontrata e nënshkruar nëse u kërkohet të fotografohen nudo pa dëshirën e tyre. Gjithashtu në setet fotografike nuk do të lejohet alkooli dhe drogat ilegale. Revista ‘Vogue’ është e vendosur për t’i zbatuar me përpikmëri të gjitha rregullat e kodit të ri dhe nuk do të toleroj asnjë shkelje.