Pas ndarjes nga jeta të ish-zyrtares së LSI-së Luzhiana Abazi në moshën 47-vjeçare, kryetarja e kësaj partie Monika Kryemadhi ka reaguar nëpërmjet një statusi në Facebook.
“Nuk mund të shkruaj, ka orë që mundohem por është vështirë. Luzhi u largua fizikisht sot nga ne, duke na lënë një dhimbje dhe boshllëk të pazëvendueshëm. Energjia dhe dashuria që ajo na dhuronte pa kushte do të na mungojë gjithmonë. Ndoshta sëmundja e rëndë ja doli të të mundë përkohësisht, por ti do jesh engjëlli që do na shohësh e do kujdesesh për ne, siç ke bërë gjithmonë. E dashur motra ime, mikeshë e zemrës dhe e betejave tona, do të jesh gjithmonë pjesë e imja, në ditë të vështira dhe të mira. Sepse askush nuk mund ta zëvendësojë forcën dhe kurajon që vëtem ti dije të na jepje si askush”- ka shkruar Kryemadhi në llogainë e saj në Facebook.
Abazi vuante prej disa kohësh nga një sëmundje e rëndë e cila rezultoi fatale për jetën e saj.
