Kryeministri i Shqipërisë Edi Rama pothuajse çdo ditë është kryefjala e medias për çështje politike por jo vetëm.
Në një takim zyrtar të zhvilluar përpara disa kohësh në Trieste, Rama zgjodhi të shkonte i veshur me kostum zyrtar dhe atlete sportive. Ky detaj u komentua gjithandej por në asnjë moment kryeministri nuk u shpreh për këtë çështje.
I ftuar në emisionim “Provokacija” të gazetarit Mustafa Nano në “ABC News”, Rama ka treguar për herë të parë përse zgjodhi të shkonte me atlete në një takim të atij niveli.
Arsyeja paska qenë më e thjeshtë nga sa mund ta mendonim.
“Veshja e atleteve në Trieste ka qenë e detyruar, ishte shumë vapë dhe njërën këmbë ma kishin vrarë këpucët. Kisha marr me vete dhe këpucët dhe atletet dhe vesha atletet.”- ka treguar Rama. Por kjo zgjedhje nuk është aspak e rastësishme, është një derivat i së shkuarës. “Unë nuk jam bërë kryeministër të varros veten time, unë kështu jam vetvetja.
Më përpara nuk vishja pothuajse kurr kostum. Kur shkoj ndonjëherë dhe shoh rrobat e jetës së mëpërparme më duket sikur shoh jetën e një të tjetri.”- ka përfunduar rrëfimin e tij kryeministri.
