Editorët e modës në çdo analizë të tyre po tregojnë rikthimin e palltove të lëkurës me ngjyra të cilat jo çdokush mund ti vesh.
Por ajo që i dashuron ngjyrat dhe eksperimenton gjithmonë me veshjet e saj, duket se ka qenë avangard me shumë trende të cilat po rikthehen në vëmendjen tonë.
Bëhet fjalë për Aurela Gaçen, e cila ka publikuar një foto të viteve 1996. Këngëtarja ka veshur një pallto lëkure(mushama)në ngjyrë të ndezur, të cilën pak veta do guxonin ta bënin pjesë të garderobës së tyre, jo vetëm në atë kohë, por edhe tani.
“Ju kam thënë vishni çfarë t’ju dojë qejfi, se nesër vjen moda prap. Plas mushamaja nëpër dyqane, modë pastaj dhe meqë këta vipat tanë këtu kanë lëkë shkojnë e blejnë dhe ua shesin juve këtu për trend e modë”- ka shkruar këngëtarja bashkangjitur fotos së një artikulli ku ngrihej pyetja “A do të guxonit të vishni pallton mushama”.
Përgjigjen për këtë pyetje Aurela e ka dhënë përpara 22 vjetësh.
