Mirush Kabashi është një ndër aktorët më të mirë të kinematografisë dhe teatrit shqiptar. Me mbi 100 role në film dhe me interpretimet e tij mahnitëse në poezi, aktori ka rrëmbyer zemrat e gjithë publikut shqiptar artdashës. Mirush Kabashi njihet edhe për veprat e tij humanitare dhe ditën e sotme ishte i ftuar në emisionin “Shqiptarët për shqiptarët” ku ka treguar dhe një histori prekëse. “Po ecja pranë hotel ‘Dajtit’ dhe duke ecur dëgjoj një adoleshent që ishte me karrocë dhe thërriste ‘o xhaxhi, o xhaxhi’. I thashë nuk kam para të vogla dhe vazhdova rrugën, por ai vazhdonte të thërriste. Më pas unë u ndala dhe ai më dhuroi një mollë dhe më tha se më kishte parë në një film. Më besoni se mu duk vetja milingonë në atë moment. pra kur të vijë çështja për ndihmë ne duhet të japim për të tjerët” ka treguar aktori Mirush Kabashi. /revistawho.com
