Bora Zemani është një nga moderatoret sportive më të dashura të publikut shqiptar. Por a e dini se dalja e parë e Borës në ekran nuk ka qenë si moderatore?
Ditën e sotme Bora ishte e ftuar në emisionin ‘Pop Culture’, ku ka treguar gjithçka mbi karrierën e saj në ekran. Ajo ka treguar se si fillim ka studiuar për balet e më pas për muzikë, por si përfundim hoqi dorë nga të studiuarit e artit. Në fakt dalja e parë e saj në ekran nuk ka qenë si moderatore sportive. “Dalja ime e parë në ekran ishte në ‘Top Fest’ ku dhe u nominova njëherë si ‘Best New Artist’ por nuk e fitova.” ka thënë Bora. Ajo ka marrë dy herë pjesë në ‘Top Fest’ në edicionin e 6 dhe 7, kur ka qenë vetëm 17-18 vjeçe. Për më tepër që nga ajo kohë Bora ka bërë ndryshim të madh në ngjyrën e flokëve, sepse në ‘Top Fest 7’’ ka qenë bjonde, ashtu siç ne nuk jemi mësuar ta shohim ndonjëherë. /revistawho.com
