Me frymën e re muzikore që solli në Shqipëri në vitet ’90, Elton Deda arriti të bënte për vete një pjesë të madhe të publikut shqiptar. Edhe pse ai ka një karrierë shumë të suksesshme, duket se diçka që po ndodh vitet e fundit në të gjitha industritë më së shumti në atë të muzikës dhe medias, kantautorin e njohur e shqetëson shumë.
Më anë të një postimi në ‘Facebook’ Eltoni ka bërë një reagim të gjatë për koncertin 3 ditor që mbajti në Pallatin e Kongreseve Alban Skënderaj. “Gjithçka ordinere që ndodh, histori seksi ose njerëz pa asnjë lloj vlere që bëhen të famshëm brenda ditës, lajme pa kurrfarë brendie, servilizmin për përkrahje politike ose futje hundësh nëpër gjëra private të njerëzve…këto i bëjnë më shumë qejf dhe zell. Por askush nuk foli për koncertin e 3 Muskuetierëve dhe as për koncertin e Albanit, për këtë erë të re që po e gëzon qytetin tonë. Askujt nga mediat tona nuk i intereson kultura dhe gjërat e mira që me aq mundim i bëjmë. Kjo është vërtet për të ardhur keq” ka shkruar Eltoni. /revistawho.com
