Rezart Veleshnja më së shumti njihet nga shqiptarët si “Betim Spërdhima” për shkak të rolit të tij të spikatur në spektaklin e humorit ‘Portokalli’. Ditën e sotme ai ishte i ftuar në emisionin ‘Pop Culture’ ku tregoi diçka më tepër për veten. Rezi foli për dëshirën e tij të madhe për të pasur sa më shumë fëmijë në të ardhmen.
“I kam shumë qejf fëmijët. Por për momentin…nuk i dihet mund të adoptoj ndonjë” është shprehur aktori. Më tej ai ka shtuar: “Kam dëshirë të kem 4 fëmijë, por me këtë ekonomi sot, është e vështirë të mbash 4 fëmijë. Varet nga gruaja tani”. Përpara pak muajsh në një intervistë Rezi ka treguar se është i dashuruar me një vajzë që jeton në Gjermani dhe se ajo është gruaja e tij e jetës. /revistawho.com
