Dje ishte 8 marsi, festa e gruas dhe midis shumë urimeve që vërshuan për nënat dhe për gratë ishte dhe një status i dhimbshëm dhe plot dashuri në të njëjtën kohë. Këngëtari Stefi Prifti në këtë ditë të veçantë i ka dedikuar disa rreshta bashkëshortes së tij të ndjerë dhe dy vajzave të tij.
“Ishim studentë…! Një lidhje ikte, zëvendësohej..! Deri sa erdhi dashuria e vërtetë për mua, Marina Xhavara Prifti. Kjo këngë ishte diçka ndërmjet, para dhe pas njohjes time me Marinën! Ose, ishte diçka që ndodhte paralel me njohjen…! Nuk e di me saktësi! Muzikën e shkrova me një frymë dhe ua tregova shokëve të mi dhe natyrisht edhe Marinës time, dashurisë së sapo lindur në “Pallatin e Kulturës Studenti”.
Sot eshte 8 Mars! Në përgjithësi nuk kam qenë shumë i vëmendshëm në ditë dhe festa të caktuara.. dhe më vjen keq për këtë gjë! Dhe vazhdoj të mos jem! Por një postim i vajzës time të vogël Joana në “Instagram”, shqetësimi i qartë i vajzës së madhe Maria në telefonatën e fundit, për mungesën ekstreme të mamit të tyre (të cilën unë nuk e zëvendësoj dot kurrë), më bëri të shkruaj disa kujtime të miat. Maria dhe Joana babi ju do shumë. Gëzuar të gjitha nënat! U dogja mrekullisht” ka shkruar këngëtari bashkangjitur videos së këngës dedikuar bashkëshortes së tij.\revistawho.com
