Përpara pak javësh Dua Lipa ka njoftuar se në 10 gusht do të jetë në Prishtinë për të performuar, duke qenë se do të nisë turneun e saj muzikor në Europë.
Për këtë arsye edhe interesimi nga fansat e saj shqiptar ka qenë i madh. Megjithatë edhe pse pak nga pak muajt e verës po afrojnë, Dua nuk ka bërë ende të ditur se sa do të kushtojnë biletat dhe në çfarë kohe do të fillojë shitja e tyre. Për këtë gjë i ftuar në emisionin ‘NIN’ ka folur vetë babai i saj, Dukagjin Lipa. Ai ka thënë se biletat do të dalin në shitje në fund të marsit dhe çmimet e tyre do të jenë në përputhje me standardet e jetesës së qytetarëve kosovarë. Përveç Dua Lipës në këtë turne muzikor do të marrë pjesë edhe këngëtari tjetër shqiptar me famë ndërkombëtare, Albert Stanaj. /revistawho.com
