Ndarja e nga futbollisti shqiptar Blerim Xhemaili e ktheu modelen shkodrane Erjona Sulejmani në qendër të mediave shqiptare dhe jo vetëm. Mbrëmjen e sotme Erjona ishte e ftuar në emisionin “Top Show” ku tregoi për jetën e saj private dhe karrierën. Ajo e përshkroi martesën e saj me mesfushorin shqiptar të kombëtares zvicerane sikur jetonte brenda një “kafazi të artë”.
“Më parë kam qenë e mbyllur në një kafaz të artë, por leku nuk të jep gjithçka. Unë kam refuzuar shumë për karrierën time, tani jam më e lirë dhe mund të pranoj ato që kam refuzuar më parë. Kur lidhesh me futbollist, njëri prej të dyve duhet ta lërë karrierën sepse po nuk e le, nuk shihesh me partnerin. Rrija në shtëpi, laja, shpëlaja, gatuaja… Pasi mora veten nga lindja e fëmijës, doja t’i kthehesha karrierës. Doja të mos isha e varur dhe të mos rrija e mbyllur në shtëpi”, u shpreh Erjona. /revistawho.com
