Xhesika Berberi është një nga modelet më të njohura shqiptare, e cila po e zhvillon karrierën e saj në Amerikë.
Ajo ka qenë sot e ftuar në programin “Lart e Poshtë” dhe ka zbuluar shumë detaje nga karriera e saj por mbi të gjitha edhe nga jeta private.
Ndonëse vjen për pak javë në Tiranë, Xhesika angazhohet edhe me projekte të ndryshme modelingu, si fotosesioni “Geraldina Sposa” ku ajo u zgjodh si imazhi prezantues i koleksionit të ri të fustaneve të nusërisë.
Gazetari Eraldo Rexho ashtu si shumë të tjerë ka qenë kurioz të dinte më shumë rreth statusit të Xhesikës duke e pyetur nëse e mendon martesën dhe prej saj ka marrë këtë përgjigje:
“Të them të drejtën as nuk e mendoj fare, për momentin martesën. Propozime nga Instagrami apo edhe në rrugë marr çdo ditë unë, por ideja është që nuk jam gati. Për momentin jam beqare”, ka thënë Xhesika.
Duke u ndalur tek karriera e saj Berberi ka treguar se ajo aktualisht është duke u marrë me projekte në USA, si kasting, etj.
Ajo ka pohuar gjithashtu se është shumë e lumtur për dasmën e mikeshës së saj, Afërdita Dreshaj./revistawho.com
