Përpara dy muajsh moderatorja e njohur Elona Duro, u bë nënë për herë të parë me djalin e saj, Tomas. Pas martesës së saj në gusht të vitit të kaluar, lindja e djalit ishte një gëzim i shtuar në jetën e Elonës.
Por këto kohët e fundit ajo ka qëndruar larg medias, sepse gjithë vëmendjen dhe kohën ja ka kushtuar vogëlushit të saj. Në një intervistë për “bordo.al”, Elona ka thënë se tani është shumë e fiksuar pas kujdesit të djalit, por i duhet që pak nga pak të mësohet ta lërë vetëm, sepse i duhet t’i rikthehet sërish punës. “Ne zgjohemi e flemë vetëm me Tomas. Sa piu, si fjeti? Qau? Qeshi? E gjithë bota vërtitet rreth tij. Kemi harruar veten. Më kishin thënë e s’e kisha besuar. Unë dhe Lorenci s’kemi punë tjetër”, – ka treguar moderatorja.
E pyetur se çfarë profesioni do të preferonte për djalin e saj, ajo është shprehur: “Futbollist. As nuk u mendova fare. Futbollist më pëlqen. Prej disa vitesh po merrem me sportin në ‘Digitalb’ dhe më pëlqen shumë bota e sportit. Kur i bëj fizkulturën e mëngjesit i them: ‘Tomas, zemra e mamit, bëhu futbollist. Dua të të ndjek ngado nëpër stadiume e dua të thërritet emri yt, si krenari familjare, por edhe kombëtare.’” /revistawho.com
