Aurela Gaçe është padyshim ndër këngëtaret më të mira të skenës shqiptare. Talenti i saj i madh dhe dashuria për muzikën e dallon ndër të tjerë, pa harruar edhe stilin e veçantë në performancat që bën. Shpesh Aurela na tregon për koncertet e saj dhe ndan me ne sekuenca të ndryshme nga performancat. Me siguri shumë nga ju e kanë pyetur veten si ka mundësi që kurrë nuk e humbet fuqinë zëri i saj?
Vetë Aurela ditën e sotme ka ndarë me të gjithë ndjekësit në ’Instagram’ disa nga momentet e provave që bën çdo ditë për të mbajtur zërin në formë. Ajo na tregon të gjithëve se të jesh këngëtar nuk është e lehtë dhe nuk mjafton vetëm talenti, por duhet punë e fortë. Aurela çdo ditë stërvit zërin e saj me ndihmën e një profesori amerikan.
“Ok, kam një pyetje. A stërvitet një balerin, boksier, notar, futbollist, etj përpara se të hyjë në fushë? Përditë e bëjnë. Kanë edhe trajnerë apo jo? Atëherë kjo është stërvitja ime e përditshme. E di duket e çuditshme ë?
Të kesh një talent, është dhuratë nga Zoti. Të dish ta mbash, do punë.
Kam që në 2007 që mësova se zëri është gjëja e parë që duhet të stërvit nëse dua të jem në skenë. Mendoja se vetëm këngëtarët e Opera-s duhet ta bënin këtë, por nëse unë vë kordat në punë, atëherë puna është njësoj.
Teknikat që kam mësuar nga profesori për 3 Vjet në New York, ndërsa tani takohemi bashkë në ‘Skype’ sa herë duhet (largësia nuk më ndalon të mësoj). Unë e dua shumë profesionin tim dhe për të qenë e fortë, më duhet punë. Përditë. Kokulur për të mësuar çdo gjë. Sado të di, gjithmonë ka shumë për të mësuar.
Leksioni për sot ishte 50 min”, -ka shkruar Aurela./revistawho.com
https://www.instagram.com/p/Bg3oIuzg7wQ/?taken-by=aurelagaceofficial
