Në qoftë se doni të kuptoni se cilat janë ngjyrat e preferuara të këngëtares Irma Libohova mjafton ti hidhni një sy profilit të saj personal në “Instagram”. Është shumë e thjeshtë ta kuptoni, ka tre ngjyra që mbizotërojnë e bardha e zeza dhe e kuqja. Pas këtij detaji elementi i dytë që bie në sy janë aksesorët e veçantë dhe shumë të ndryshëm nga njëri – tjetri. Këto janë vetëm dy nga shumë detaje të veshjeve të saj pasi Irma vitet e fundit ka gjetur veten në një stil aspak të zakonshëm i cili i shkon vetëm asaj.
Prerje të çrregullta , jo simetrike, kombinime jashtë rregullave të zakonshme e bëjnë këngëtaren të krijojë stilin e vet unik e të pakonkurueshëm.
Një stil i tillë e bën këngëtaren të shfaqet gjithmonë e lumtur dhe pa asnjë kompleks për një bark pakëz të fryrë apo disa kilogramë më tepër. Është si një mburojë e bukur dhe e rehatshme në të njëjtën kohë.
Këngëtarja e cila duket se me këtë stil qëndron larg asaj që preferonte të vishte vite më parë në daljet e saj skenike, tashmë me siguri është gjyshja më trendy dhe mbesa e saj Lule do të krenohet me këtë fakt disa vite më vonë./revistawho.com
