Olsi i ‘Big Brother 9’ flet për herë të parë për të shkuarën: Dënimi me burg nuk ishte për fajin tim

Gjatë qëndrimit në ‘Big Brother’ Olsi nuk ngurroi të fliste edhe për të shkuarën e tij jo fort të këndshme. Megjithatë publiku u njoh me një pjesë shumë të vogël të kësaj historie. Ditën e djeshme Olsi ishte i ftuar në emisionin “Një kat më lart” dhe aty tregoi për herë të parë çdo gjë. Ai tha se në fakt dënimi që kishte vuajtur në burg nuk ishte plotësisht për fajin e tij.

“Kam vuajtur 4-5 muaj, jashtë Shqipërisë. Je 23 orë i mbyllur brenda, 1 orë vetëm ajrosje. Unë nuk vuajta për arsyet e mia. Kur dola jashtë e lashë me kaq, mos ta gjejnë nga unë, ta gjejnë nga të tjerët”, – ka thënë Olsi. Më tej ai ka treguar se në atë kohë të vështirë miqtë e tij më të mirë ishin librat dhe prej tyre ka arritur të marrë mësime shumë të mira.

Edhe pse vazhdon jetën i lirë, Olsi e ka të vështirë ta harrojë këtë pjesë të jetës dhe për këtë arsye në trupin e tij ka disa tatuazhe që lidhen me të shkuarën. /revistawho.com