Ditën e djeshme bashkëshortja e aktorit dhe modelit William Levy, Elizabeth Gutierres, ka publikuar fotot e festës surprizë që William në bashkëpunim me të afërmit e saj organizuan për të.
Festa e 40 vjetorit është organizuar në një jaht dhe të pranishëm kanë qenë familja së bashku me mikeshat e saj. Të veshura në ngjyrë të bardhë dhe me kurora lulesh në kokë vajzat duken në formë të shkëlqyer, sidomos Elizabeth e cila shfaqet e veshur me një fustan të shkurtër të bardhë i cili i nxjerr në pah hiret e saj.
Nga fotot dhe videot e publikuara duket se kjo festë do të jetë e paharrueshme për aktoren dhe të pranishmit.
