Kemi folur shpesh për vajza, gra por edhe meshkuj që i drejtohen kuvendit të veshur trendy dhe fashion. Por tani diçka ka ndryshuar dhe duhet ta mendojnë dy here përpara se të dalin nga shtëpia se çfarë do të veshin.
Sipas “Shqiptarja.com” në draftin e përgatitur për Kodin e Sjelljes së Deputetëve përpos ndalimit të alkoolit, drogës dhe ndalimeve seksuale, deputetit i ndalohet që të vishet në mënyrë të papërshtatshme. Sipas draftit, deputeti duhet të paraqitet me veshje zyrtare në përshtatje me funksionin që kryen, të përmbushë standardet e profesionalizmit dhe të modestisë, pa u bërë shkak debati dhe tërheqje vëmendje nga publiku.
Në draft gjithashtu thuhet se deputeti nuk duhet të përdorë as celularin në Kuvend, ose mjete të tjera, që tregojnë mungesë respekti ndaj kolegut. Kjo mbetet për t’u parë sesa do realizohet, si dhe çfarë ndryshimesh do shohim në parakalimet e grave deputete në hyrjen apo foltoren e parlamentit./revistawho.com
