Ditën e sotme këngëtarja energjike e skenës shqiptare, Aurela Gaçe, është kthyer pas në kohë duke postuar në ‘Instastory’ fotografi të bëra vite më parë që tregojnë edhe ndryshimet e saj në ‘look’. Njërën nga fotot, këngëtarja e hitit ‘Fati ynë shpresë dhe marrëzi”, e ka shoqëruar me një shkrim komik ku tregon se stili i saj i veçantë komentohej shumë aso kohe.
“1998. Koha kur të gjithë më shanin në rrugë ( pse nuk kisha ‘Facebook’ dhe ‘Instagram’) pse kisha qethur kokën, pse vishesha si doja, pse lyhesha si doja. Tani pas 20 vitesh? Kollaj. I bën ‘block’ dikujt që të shan. Po atëherë e kisha përballë gjithë trysninë e mendjeve të ngushta. Por edhe unë mangut s’ja kam lënë askujt. Ata bam, unë bam bam bam bam, e kuptoni vetë.”- ka shkruar me humor Aurela krahas fotos. /revistawho.com
