Gerta Heta mund të mbahet mend si ndër gazetaret e para që solli një frymë të re në emisionet radiofonike në Shqipëri. Pas një kohe të gjatë punë në radio, Gerta hoqi dorë dhe u angazhua në televizion, por nuk mundi të qëndronte larg saj. Ajo u rikthye përsëri, por këtë radhë në “Kiss FM” çdo ditë nga ora 16:00-18:00.
Kjo pauzë dhe rikthimi i saj i habiti të gjithë, por sot Gerta ka treguar se si ndodhi që rifilloi punë në radio. E ftuar në emisionin ‘Kush vjen për drekë” Gerta ka thënë: “Radio është dashuri. E kam dashur gjithmonë dhe e dija që do t’i rikthehesha thjesht ishte çështje kohe. Mu bë një ofertë nga radio dhe më kërkonin dhe njerëzit edhe thashë po rikthehem me një emision që për të thënë të vërtetën nuk është shumë i vështirë. Është emision ‘karamele’, sepse njerëzit nuk kanë shumë nerva të dëgjojnë radio në pasdite.”
Më pas ajo ka treguar edhe për jetën e saj si nënë me dy vajzat Luna dhe Matea. /revistawho.com
