Ish-banorja e ‘Big Brother 9’, Armela, ka preferuar të flasë hapur për operacionet plastike që ajo ka kryer. Megjithatë rezultati që ajo ka marrë prej operacionit në hundë mesa duket nuk ka qenë plotësisht i dëshiruari. Ditën e djeshme ajo ishte e ftuar në emisionin “Një kat më lart” dhe ka treguar se ka kryer dy operacione në hundë.
Si fillim doktorët i kishin thënë se ndoshta hunda e saj nuk do të mund të bëhej operacion dhe Armela ishte futur me dyshim në sallën e operimit. “E kam operuar hundën dy herë. Në fillim ka qenë shumë e imët.”, – ka thënë Armela. Më pas ajo është shprehur se ka parë disa modele hundësh në rrjete sociale dhe do të donte që të kishte të njëjtin rezultat.
“Kam parë një doktor iranian në ‘Instagram’ që i nxjerr hundët shumë të vogla dhe jam fiksuar duke e parë. Por ai është në Iran dhe Amerikë dhe nuk mund ta bëj hundën atje. Megjithatë hunda ime pas operacionit të dytë është shumë e ënjtur, sepse po ta prekësh është gur edhe nuk është ky rezultati final, besoj se do dhe një vit të shfryhet”, – ka thënë ish-banorja. /revistawho.com
