Enkel Demi ka reaguar sot përmes “Facebook” ndaj një padrejtësie që i është bërë atij dhe “Shih Programin” nga Televizioni Publik Shqiptar. Sipas tij, ditën e sotme është bërë një shkurtim mjaft i madh ndaj emisionit të tij, duke larguar gazetarët dhe bandën muzikore.
Enkel Demi shprehet se tashmë “Shih Programin” që ai drejton nuk do të këtë më asnjë gazetar, redaksi dhe asnjë bandë… I vetmi që ka mbetur me stafin e tij është skenaristi, të cilit i është ulur dhe pagesa nga Televizioni Publik Shqiptar. Sipas Demit, duke punuar kështu si bordi, ashtu dhe Këshilli Drejtues kontribuojnë që të rrënohet publiku dhe të vazhdojë rrena e audiencës së privatit. Më poshtë gjendet edhe deklarata e tij e plotë./InfoMedia
