Këngëtarja me origjinë shqiptare Dua Lipa tashmë është kthyer në një fenomen botëror. Kënga e saj “New Rules” ka arritur 1 bilion shikime në ‘YouTube’. Çdo ditë Dua shihet në një koncert, në një studio televizive apo në një kopertinë reviste. Së fundmi këngëtarja me origjinë shqiptare ka qenë në kopertinën e ‘V Magazine’ dhe ka dhënë një nga intervistat më të veçanta. Përballë këngëtares, Katy Perry, Dua ka treguar çdo gjë që lidhet me karrierën e saj që nga hapat e parë e deri në ditët e sotme.
Pavarësisht se ajo duket se ka shumë besim në vetvete gjatë intervistës është shprehur se është shumë njeri supersticioz dhe i trembet shumë mënyrës si do shfaqet në skenë. “Jam shumë supersticioze. Si fillim ngrohem, duke pirë një çaj. Nëse njerëzit që punojnë me mua janë në një dhomë dhe kanë pije në gota nuk lejohen të bëjnë gëzuar me njëri-tjetrin. Jo vetëm përpara një koncerti, por gjithmonë. Përpara një spektakli në Stokholm stafi im mendoi të bënte gëzuar me ujë dhe unë u inatosa shumë. Atë ditë më ka ecur çdo gjë keq me koncertin tim. Gjithashtu gjatë performancës në ‘BritAwards’ i vesha kilotat nga brenda-jashtë, sepse isha shumë nervoze për performancën”, – ka treguar Dua. /revistawho.com
