Këngëtari Erik Lloshi çdo ditë e më shumë po zbulon me copëza të vogla se çfarë po ndodh me jetën e tij private. Përpara disa ditësh ai publikoi fotografi me unazë në dorë duke zbuluar se ishte fejuar. Ndërsa më vonë ndau me të gjithë ndjekësit në ‘Instagram’ fotografinë e parë me të fejuarën, por gjithçka nga identiteti i vajzës ngeli enigmë.
Ditën e sotme, këngëtari ka zbuluar disa gjëra më shumë në lidhje me të fejuarën e tij. Ai ka postuar një fotografi ku shihet pranë saj dhe vajza quhet Romina Sablic. Nga profili i saj në ‘Instagram’ kuptohet se vajza mund të jetë serbe ose kroate. Megjithatë sipas ‘Prive’, Romina është rritur dhe ka ndjekur studimet në Tiranë dhe në këtë mënyrë mund të jetë njohur edhe me Erikun. /revistawho.com
