Ditën e djeshme Almeda Abazi dhe bashkëshorti i saj, Tolgahan Sayisman, janë bërë pjesë e një ngjarje aspak të këndshme. Sipas medias ‘Haberturk’ bukuroshja shqiptare dhe aktori turk janë përfshirë në një aksident automobilistik. Pasi shijuan një darkë romantike me njëri-tjetrin, Abazi dhe Sayisman janë përplasur nga një taksi në dalje të parkingut të restorantit.
Por fatmirësisht nga aksidenti nuk pati të lënduar, vetëm dëme materiale. Megjithatë kjo ngjarje shkaktoi tronditje tek Almeda dhe Tolgahan, madje aktori turk pas ngjarjes është shprehur: “Faleminderit Zotit shpëtuam paq”. Për të kryer të gjitha procedurat e nevojshme, Tolgahan iu nënshtrua edhe një testi alkooli nga ana e policisë. /revistawho.com
