Tani nuk do të mund ta dalloni më policinë prej së largu nga jeleku fosforeshent. “Moda e re” ka përfshirë edhe Policinë e Shtetit. Ditën e sotme Ministri i Brendshëm Saimir Tahiri ka prezantuar uniformat që do të mbajnë policët në të gjithë Shqipërinë. Ato janë të ndara me ngjyra sipas sektorëve. Bazë është ngjyra e zezë e kombinuar me të kaltër për efektivët e rendit, patrullën e përgjithshme, me të kuqe për forcat “Shqiponja” dhe me të verdhë për Policinë Rrugore.
