Gjashtë vite më parë këngëtarja Elhaida Dani arriti të triumfonte duke u shpallur fituese e edicionit të nëntë të “Top Fest”. Reagimi i Elhaidës ka bërë jehonë në media në atë kohë.
Pasi Ledion Liço, i cili së bashku me motrat Vjollca ju ishte besuar prezantimi i spektaklit të atij viti, shpalli emrin e Elhaidës si fituese nga ana e këngëtares nuk pati asnjë reagim deri në momentin që Miriam Cani dhe Sidrit Bejleri kanë thirrur sërish emrin e saj. Edhe më pas këngëtarja vazhdonte të mos e besonte që ishte ajo fituesja e një formati me përmasa të tilla.
Atë natë Dani u shpall fituese e dy çmimeve. Krahas trofeut të madh ajo u vlerësua edhe si “Artisti i Ri më i Mirë”. “S’je më”, një këngë me kompozim të Kledi Bahitit, në atë kohë mori mbështetjen e publikut, por edhe të jurisë profesioniste të festivalit.
Ky sukses ka qenë një ogur i mbarë për shkodranen e cila më pas u shpall fituese në “The Voice of Italy” si dhe përfaqësoi Shqipërinë në Eurovizion.\revistawho.com
