Spikeret mund të themi se janë ndër ato personazhe televiziv për jetën e të cilave dihet shumë pak. Por ditën e sotme një nga spikeret më të njohura të televizionit ‘News24’, Senada Jaho, ka treguar se si është gjendur në këtë profesion.
Ajo ka rrëfyer në emisionin “Kush vjen për drekë” se shumë vite më parë nuk ka pasur asnjë lloj lidhje me televizionin, sepse punonte thjesht si kuruese imazhi. “16 vjet kam jetuar në Romë. Eksperienca ime e parë në televizion ishte në televizionin ‘Klan’ dhe kam punuar si kuruese imazhi. Pak nga pak fillova të integrohesha në Shqipëri dhe provova veten në ekran. Nuk më pëlqente ekrani, nuk e kisha menduar kurrë, por ishte momenti, më provuan dhe thashë pse jo. Tani është bërë dashuria ime. Me modën nuk angazhohem më. Nëse do jetoja në Itali ndoshta me atë profesion do të merresha.”, – ka thënë Senada. /revistawho.com
