Revistawho.com do të sjellë çdo javë receta të ndryshme gatimi nga shefi më i famshëm shqiptar, Renato Mekolli. Njihuni me 3 recetat më poshtë:
Pica me fileto pule
Brumë pice
Salcë domateje
200g fileto pule
1 domate të freskët
1 qepë të thatë
Disa gjethe borziloku
100 g djathë guda
Në një tavë me përmasa 20x30cm hapim brumin e picës, hedhim mbi të pak salcë domateje, fileton e pulës të prerë në rripa, domatet të prera në feta, qepën, djathin e grirë dhe gjethet e borzilokut. E pjekim në furrë për 115 minuta në 180 gradë.
Shënim: Picat Margarita dhe Napolitane janë dy picat më të shëndetshme për organizmin.
Supë me spinaq
Lëng pule
1 kg spinaq
1 qepë
3 qepë të njoma
1 limon
1 lugë kos
1 lugë gjalpë
100 ml vaj ulliri
1 tufë kopër
Arrë moskat
Kripë
Piper
Lajmë mirë spinaqin, ndajmë gjethet me duar në disa pjesë dhe i lëmë të kullojnë. Presim qepët në kube dhe koprën e grijmë hollë. Në një tenxhere ku kemi hedhur vajin e ullirit dhe gjalpin, vendosim qepën dhe hudhrat. I skuqim për pak minuta dhe sa pa marrë ngjyrë, shtojmë spinaqin. E mbyllim tenxheren me kapak, derisa spinaqi të ketë nxjerrë lëngjet. Në vazhdim shtojmë lëngun e pulës (nuk nevojitet sasi e madhe, pasi një pjesë të lëngut e ka nxjerrë spinaqi), kosin, limonin, koprën. E ziejmë supën për 20 minuta dhe në fund e kalojmë në multi.
Brumë për pica 1
500 g miell 55%
200 ml qumësht 30 g maja e njomë
Gjysmë lugë kafeje sheqer
Gjysmë luge kafeje kripë
2 lugë supe vaj ulliri
Në fillim përziejmë në një enë miellin, sheqerin, kripën dhe në një enë tjetër qumështin, majanë dhe vajin e ullirit. I bashkojmë të dyja masat në mikser, duke i përzier me shpejtësi mesatare për 5 minuta. Mbajmë pak miell mënjanë, të cilin, nëse duhet, e shtojmë te brumi. E lëmë brumin të pushojë për 30 minuta dhe më pas hapim brumin për pica.
