Edona Llalloshi është bërë pjesë e tregut muzikor shqiptar shumë vite më parë. Ajo u bë shumë e njohur për publikun me këngën ‘Simpatia’ dhe më pas çdo këngë e kënduar prej saj do të kishte një sukses të padiskutuar. Tashmë Edona është rreth të 40-ave, nënë e dy fëmijëve, por pasionin për këngën nuk e ka ndalur kurrë. Përpos gjithë këtyre, duhet thënë se koha nuk ka arritur të ndikojë tek Edona. Që nga shfaqja e saj e parë e deri më sot ajo ka mbetur e njëjta si në fytyrë ashtu edhe në trup.
Pavarësisht se ka kaluar dy lindje linjat e saj trupore mund të themi se janë për t’u pasur zili. Në një intervistë për ‘Prive’ Edona ka treguar se si arrin ta mbajë trupin e saj në formë. “Mundohem të ushqehem shëndetshëm. Brumërat i kam eleminuar komplet. Ëmbëlsirat shumë pak i konsumoj. Stërvitem shumë, pothuajse çdo ditë. Në mëngjes bëj ushtrime dhe ndoshta kjo po më mban në formë edhe i nevojitet trupit për të pasur më shumë energji për t’u ndjerë pak më mirë.”, – ka thënë këngëtarja. /revistawho.com
