Ajo është një ndër prezantueset dhe biznesmenet më të suksesshme në vend. Përveç kësaj, kemi kuptuar se Alketa pëlqen shumë udhëtimet dhe kryesisht ato në Itali, të cilën e konsideron vendin më të bukur në botë.
Prezantuesja e “Në Kurthin e Piter Pan” ka zbuluar në rrjetet sociale nëpërmjet një fotoje të publikuar, se Italia do të ishte vendi ku ajo do të donte të pushonte kur flokët e saj të thinjen dhe të ketë marrë pushim nga vrapi i rutinës së përditshme.
“Vendi im i preferuar në të gjithë botën! Kur të gjitha flokët e mia të thinjen, zemra ime të bëhet jeshile si këto fusha dhe një ngjyrë e zbehtë portokalli si ky perëndim dielli, këtu do të doja të pushoja përgjithmonë..”- ka shkruar Alketa bashkangjitur një pamjeje mahnitëse në Itali.
Kjo nuk është hera e parë që prezantuesja publikon foto nga shteti fqinj ku ajo kalon vazhdimisht pushimet dhe kryesisht preferon pamjet piktoreske me gjelbërim.\revistawho.com
