Dy futbollistët e njohur shqiptarë dhe njëkohësisht vëllezërit, Taulant dhe Granit Xhaka, për momentin luajnë në dy skuadra të ndryshme futbolli. Taulanti luan për Baselin, ndërsa Granititi për Arsenalin dhe megjithatë ata janë mbështetësit më të mëdhenj të njëri-tjetrit.
Ditën e sotme Graniti gjendet në fushën e blertë në përballjen me Atletico Madridin dhe sigurisht si në çdo ndeshje emocionet janë të mëdha. Megjithatë ai ka mbështetësin më të madh, vëllain e tij Taulantin, që pavarësisht se ndodhet larg prej Granitit i jep zemër. Vetë Taulanti ka publikuar një video në ‘InstaStory’ ku duket se është duke ndjekur në televizor ndeshjen e Granitit. “Forca vëlla”, – ka shkruar Taulanti bashkangjitur videos.
Normalisht kur vjen puna tek gjaku dhe vëllazëria nuk mundet të ndërhyjë asgjë në mes për të prishur këtë lidhje kaq të fortë. E me siguri, pavarësisht gjithë largësisë, Graniti dhe Taulanti, duhet të ndihen përherë të fuqishëm në fushën e blertë, duke ditur që kanë gjithmonë njëri-tjetrin për të dhënë mbështetje me gjithë zemër. /revistawho.com
