Nuk kanë qenë të paktat rastet kur Arbër Çepani ka dhënë mesazhe të forta për shoqërinë shqiptare, për t’u kthyer në një shoqëri të tillë si në të gjitha vendet moderne. Që në fillimet e tij, Arbëri ka spikatur me elokuencën në të folur.
Ai është dhe një pjesëtar aktiv i shoqërisë civile në mbrojtje të interesave të gjithë qytetarëve. Së fundmi, Arbëri është bërë pjesë e një organizate dhe ka marrë rolin e anëtarit të bordit këshillues në mbështetje të grave. Madje ai ka dhënë dhe disa mesazhe shumë të forta jo vetëm për gratë, por edhe për meshkujt. “Jemi të bekuar që jemi një vend ku gratë japin një kontribut thelbësor në mbajtjen gjallë të mekanizmave social-kulturore, por duhet të bëjmë shumë më shumë në krijimin e kushteve të barabarta për këdo që mendon se gjërat mund të ndryshohen për mirë! Sidomos ne burrat kemi shumë për të mësuar nga roli dhe shembulli i gruas në Shqipëri!”, – ka shkruar Arbëri. /revistawho.com
