Pak kohë më parë në media u përhap lajmi se bashkëshorti i ish-banores së ‘Big Brother’, Jona Kalemaj, kishte pasur një fëmijë tjetër përpara se të martohej me të. Në fakt, Jona e ka mohuar disa herë në rrjete sociale duke i hedhur poshtë të gjitha deklaratat.
Megjithatë ajo ka folur për herë të parë zyrtarisht në lidhje me këtë ngjarje dhe ka treguar se si qëndron e vërteta. Në një interviste për ‘Gazeta Shqiptare’, ajo ka thënë se në fakt të gjitha ato që thuheshin ishin shpifje.
“Sa për fëmijën që mori dhenë lajmi, s’është absolutisht e vërtetë. Më besoni që do e thosha pa pikën e turpit, sepse fëmija s’është kurrë turp, nëse do e kishte një të tillë. Unë, në fakt, u bëra xhind, por im shoq as nuk e prishi terezinë fare. Madje qeshte dhe thoshte ‘qesh zemër se s’kemi pse mërzitemi për diçka që s’është e vërtetë. Le të flasin sa të duan’. Reagimi im, në fakt, ndaj këtyre shpifjeve nuk mund të them se ka qenë i qetë, pasi sado mos të jetë i vërtetë lajmi, arrin që të ndikojë te çdokush një gënjeshtër e të tilla përmasave”, – ka thënë ajo. Jona dhe bashkëshorti i saj vazhdojnë jetën të qetë dhe të lumtur së bashku me dy vajzat e tyre. /revistawho.com
