Zakonisht trendet e veshjeve krijohen prej personazheve të famshëm dhe më pas përçohen tek njerëzit e thjeshtë. Ka shumë personazhe prej të cilëve mund të frymëzoheni ose të krijoni një ide për veshjen tuaj. Megjithatë disa herë veshjet e tyre janë disi të guximshme dhe ndoshta disi të parealizueshme. Por është një këngëtare që edhe pse shumë e re në moshë, ka një stil shumë të thjeshtë dhe prej saj mund të mësojnë diçka të gjitha vajzat. Bëhet fjalë për Selena Gomez, e cila edhe në daljet e saj publike nuk njihet për veshje shumë të guximshme apo pompoze.
Herë pas here kemi parë se dhe stilet e fustaneve të saj janë shumë të këndshëm dhe të thjeshtë. Së fundmi, Selena, ka qenë e ftuar në prezantimin e koleksionit të ri të ‘Prada’. Për këtë event, Gomez, kishte zgjedhur një bluzë dhe fund të zi, material mëndafshi dhe printe lulesh. Flokët kishte zgjedhur t’i kapte shumë thjesht dhe si aksesor kishte një palë syze që i shkonin mjaft mirë me fytyrën. Në fakt nga kjo veshje e saj mund të frymëzoheni për një mbrëmje mjaft të veçantë gjatë pranverës ose verës. /revistawho.com
