Hueyda El Saied ka një lidhje shumë të ngushtë me djalin e saj, Gabriel. Nuk janë të paktat momentet kur Hueyda ndan me miqtë në rrjete sociale çaste të veçanta që i kalon pranë birit të saj. Për të Gabrieli është dashuria dhe dhurata më e madhe në jetë.
Ditën e sotme mesa duket Hueyda ka bërë një “bilanc” të jetës së saj dhe ka kuptuar se djali i ka dhënë kuptim gjithçkaje. Ajo ka publikuar një fotografi shumë të ëmbël të Gabrielit dhe ka shkruar: “Gjithnjë kam menduar që ne jemi ato çfarë nuk kemi mundur të realizojmë (takime, qëllime, dëshira…) Ndoshta është kjo arsyeja e cila më shtyn të bëj shumë gjëra. Uroj që kur të jem e moshuar të kem sa më pak pengje. Ka pak më shumë se 3 vjet “krijova” këtë çunin e bukur i cili më bëri të kuptoj që një jetë pozitive mbështetet në dy gjëra: e para në kuptimin që i japim ekzistencës sonë (Gabrieli është me kuptimploti për mua) dhe e dyta nga ata që rrethohemi nga afër (familja ime e gjakut por dhe ajo e zemrës, miqtë e mi)…”. me siguri pas këtyre fjalëve jo vetëm nënat por të gjithë njerëzit do të gjejnë veten. /revistawho.com
