Aktorja e njohur, Elia Zaharia Zogu njihet për një numër të madh rolesh në shfaqjet më të bukura teatrale në Shqipëri, por edhe si një këngëtare. Ajo u martua në 2016 me Princ Leka Zogu II, në një ceremoni madhështore që zuri faqet e para edhe të mediave të huaja. Që prej asaj kohe, ajo qëndron krah bashkëshortit të saj në eventet ku ai merr pjesë. Edhe nëse keni pasur dyshime, me fotot e shkëputura nga eventi i fundit ku çifti ka qenë i pranishëm, do t’ju mbushet mendja top se askujt tjetër nuk do t’i shkonte të qenurit princeshë aq sa Elias.
Ajo duket shumë e bukur dhe ishte kujdesur që të zgjidhte çdo detaj në përputhje me kodin e veshjes së natës speciale. Krahas fotove ajo ka shkruar për natën e magjishme ku ishte e pranishme, krahas personaliteteve mbretërorë të shteteve të ndryshëm.
“Këtë fundjavë morëm pjesë në eventin “La Nuit des Etoiles” – Nata e Yjeve në Bruksel, Belgjikë, nën patronazhin dhe në prani të Lartësisë së Tij Princi Albert II i Monakos.
Princi Leka II mori pjesë në konferencën ndërkombëtare në Qendrën e Arteve të Bukura, organizuar nga « Konferenca e Madhe Katolike e Belgjikës ». Tema e saj ishte: “Ajri, Toka dhe Deti, sfidat jetësore të këtij shekulli”. Ngjarja kryesore e fundjavës ishte darka gala “La Nuit des Etoiles” në Pallatin Egmont e cila ishte organizuar nga Lartësia i Tij Mbretërore Charles- Philippe, Duka i Anjour, në mbështetje të “Fondacionit të Princit Albert II të Monakos”. Veprimtaria u ndoq nga personalitete të artit dhe kulturës, politikës, gazetarisë dhe shkencës. Mysafirët Mbretërore ishin LTM Princi Albert II i Monakos, LTM Princi Charles Philippe d’Orleans, LS Princeshë Lea e Belgjikës, LT Princ Michel si edhe Nicolas dhe Alina të Rumanisë”, -ka shkruar Elia./revistawho.com
