Ledri Vula dhe nëna e tij, Xheraldina, janë dy personazhe mjaft të dashura për publikun. Marrëdhënia e tyre është për t’u admiruar nga të gjithë dhe fotot e publikuara në rrjetet sociale e tregojnë më së miri këtë gjë.
Ditën e sotme Xheraldina e ulur në kolltukun e Rudina Magjistarit ka treguar më tepër rreth Ledrit ku ka zbuluar edhe disa sekrete që mbase nuk i dinit ende. Madje ajo shtoi se nëse vajzat do e njihnin atë sa e njeh ajo, nuk do i afroheshin.
“I them në qoftë se do të të njihnin femrat si të njoh unë, nuk do të afroheshin. Është shumë dembel, nuk bën asgjë në shtëpi, as di të gatuajë, as të shtrojë tavolinën, as të ngrejë pjatën e tij, i do të gjitha gati”,- u shpreh Xheraldina.
Gjithashtu e pyetur nga moderatorja Rudina, nëse kishte dëshirë të bëhej gjyshe ajo tregoi se dëshira është e madhe por Ledri thotë se kjo ditë do të jetë e largët. revistawho.com
