Albana Osmanin e kemi parë të jetë pjesë e ekranit nëpërmjet emisioneve të ndryshme. Momentalisht ajo është pjesë e emisionit të përjavshëm “Top Show” dhe primare ka fondacionin e themeluar nga ajo, “Ti je një luledielli”, i cili ka për qëllim t’u vijë në ndihmë fëmijëve të sëmurë. Duket se afrimiteti me ta dhe historitë e shumta që ka dëgjuar e kanë inspiruar për të bërë një emision në të cilin vëmendja do të jetë vetëm tek fëmijët.
Nëpërmjet një postimi në ‘Instagram’ ajo ka zbuluar detajet e para duke ju kërkuar fëmijëve në trevat shqiptare të bëhen pjesë e emisionit i cili pritet të startojë në verë.
“Për të gjithë fëmijët nga qytet e fshat i Shqipërisë, Kosovës, Maqedonisë, Malit të Zi e kudo ku jetojnë shqiptarë. Kjo është vera jonë. Kjo është koha që të bëjmë të pamundurën të mundur, le të shpresojmë!! Kjo është koha të ndriçojmë skenën. Së shpejti. Dëshirat e një fëmije. Youtubeshow, Tvshow”, ka shkruar ajo. /revistawho.com
