Prej 5 vitesh linja e rroba banjove ‘Aurela Hoxha Swim/Made in Albania’ operon me sukses në tregun shqiptar. Megjithatë bukuroshja shqiptare ka treguar se ambiciet dhe synimet e saj janë edhe për në tregun ndërkombëtar. Në një rrëfim ekskluziv të pak ditëve më parë në RevistaWho.com Aurela zbuloi se do të zhvillonte një event në Barcelonë për të ekspozuar dhe shitur një pjesë të rrobave të banjës.
Aurela na tregoi se në këtë event do të kishte shumë të ftuar si dhe modele shqiptare e të huaja për të realizuar gjithçka siç duhet. Dhe në fakt ashtu ndodhi. Ditën e djeshme në një galeri artesh dhe mode në Barcelonë, Aurela Hoxha ekspozoi përpara një publiku të konsiderueshëm të gjithë linjën e saj të veshjeve.
Në këtë ditë speciale për të nuk munguan dhe disa miq të saj. Të gjitha rrobat e banjos shkonin përshtat me trupin e modeleve, sepse mund të themi se Aurela kishte bërë vërtet zgjedhjen e duhur. Kjo linjë e veshjeve dukej si një rikthim në vitet ’90 dhe ndoshta kjo do të thotë se ky do të jetë trendi i këtij viti për rrobat e banjos. Jo vetëm eventi që ishte i organizuar prej saj, por edhe vetë Aurela shkëlqeu. Ajo kishte zgjedhur të vishej thjesht, por sipas modele dhe ngjyrave që janë më ‘IN’ për momentin. /revistawho.com
