Pas përfaqësimit dinjitoz në “Eurovizion” Eugent Bushpepa është rikthyer në Shqipëri dhe ka dhënë intervistën e parë televizive.
I ftuar në emisionin “Opinion” të Blendi Fevziut, Bushpepa tregoi për emocionet që i dha kjo eksperiencë si dhe takimin me dy shqiptarët e tjerë që u ngjitën në atë skenë, Ermal Meta dhe Eleni Foureira.
Ai tregoi se Eleni ishte shumë e thjeshtë dhe e dashur. Lidhur me foton që dyshja publikoi duke bërë simbolin e shqiponjës, Genti tha se pati shumë polemika dhe ju kërkua ta fshinte nga rrjetet sociale por Eleni nuk pranoi.
“Përfaqësuesit e Qipros më kërkuan që ta fshija foton, por Eleni më tha jo. I kërkova shumë ndjesë, por tha nuk ke përse. Ajo këmbënguli shumë që të mos e heq foton sepse nuk do të fshehë më prejardhjen e saj dhe se është shumë krenare”-tregoi Genti në Opinion.
Ndërsa për shqiptarin tjetër Ermal Meta, Genti u shpreh gjithashtu me shumë superlativa, si ne aspektin njerëzor dhe atë profesional./revistawho.com
