Këngëtarja shqiptare Bleona Qereti mbërriti mëngjesin e sotëm në Tiranë e shoqëruar nga prindërit, enkas për një bashkëbisedim me mediat lidhur me projektin e saj më të ri muzikor. Në një konferencë për shtyp përpara gazetarëve në “Sheraton”, ajo foli për vitet e sakrificës, këmbëbnguljen e madhe dhe më në fund arritjen e suksesit në Shtetet e Bashkuara. Sigurisht që pas ngacmimeve të gazetarëve, këngëtarja nuk hezitoi të ndante edhe detaje nga jeta perosnale e po ashtu të sqaronte keqkputimin e ditëve të fundit lidhur me fotot topless. Teksa fliste për hit-in më të ri “Take you over”, Bleona njoftoi se përmes një email-i revista “Billboard” e kishte lajmëruar se kënga e saj mbante vendin e parë në top listën e prurjeve të reja. Në këtë moment artistja u përlot duke rrëfyer “Nuk po e kuptoja që email-i ishte për mua. Ishte e pabesueshme. Më në fund m’u shpëblyen vite sakrificë. Gjëja e parë që mendova ishte të vija ta ndaja lajmin e bukur këtu me ju, në vendin tim”. Më tej Bleona tregoi se si kishte luftuar për të arritur të bashkëpunonte me emra që kujdesen për suksesin e artisteve më të famshme të muzikës botërore. Sa i takon fotove nudo, ajo sqaroi dhe njëherë se gjithçka ishte bërë enkas për çështje reklame diete, dhe se fotot nuk ishin origjinale. “Edhe unë kam celulit si çdo qënie normale njerëzore, por në ato foto nuk isha unë”. Ylli i muzikës e mbylli bisedën duke treguar se në planet e saj mbetet dëshira për të pasur një fëmijë, por vetëm pasi t’i ketë arritur të gjitha pikësyenimet e saj në muzikë. “Bleona këngëtare i mund të gjitha Bleonat e tjera”, tha ajo.
Discussion about this post