Arbër Çepani prej disa vitesh është i angazhuar me emisonin e mëngjesit “Mirmëngjes Shqipëri” në “RTSH”. Së bashku me moderatoren Blerina Shehu, trajtojnë në emision tema nga më të ndryshmet të vlefshme për të gjitha shtresat e shoqërisë. Duket se për këtë kontribut të vyer për televizionin shqiptar, Blerina dhe Arbëri do të vlerësohen me një çmim ndërkombëtar. Arbëri ka publikuar një fotografi në ‘Instagram’ dhe ka ndarë me të gjithë këtë lajm.
“Më lejoni të ndaj lajmin e gëzueshëm me ju, që bashkë me kolegen Blerina Shehu, do të tërheqim këtë të Shtunë në Napoli të Italisë, çmimin ndërkombëtar kushtuar ekselencave në fushën televizive. Jemi shumë krenarë që në edicionin e XVIII të festivalit ndërkombëtar të ekselencave ‘Napoli Cultural Classic’, do të flitet edhe shqip! Duke ju falenderuar të gjithëve për mbështetjen dhe dashurinë e pakushtëzuar që na keni dhuruar, këtë çmim duam përzemërsisht ta ndajmë me ju”, – ka shkruar Arbëri. Pas kësaj nuk kanë munguar urime nga të gjithë dashamirësit për punën e dy moderatorëve të emisionit. /revistawho.com
