Pak ditë më parë u bë zyrtar lajmi se Era Istrefi do të jetë pjesë e këngës zyrtare të kupës së botës ‘Fifa 2018’. Ajo do të këndojë krah Will Smith, Nicky Jam dhe Diplo, ndërsa kënga do të quhet ‘Live it up’. Xhirimet janë drejt fundit dhe kënga pritet të bëhet publike në datë 25 maj.
Emocionin që përjetoi nga kjo ftesë Era e ndau me të gjithë ndjekësit e saj, por jo vetëm. Me një prononcim për faqen zyrtare të ‘Fifa’ ajo ka thënë: ‘Kjo ka qenë një nga përvojat më të pabesueshme dhe emocionale që kam pasur deri tani. Ishte e mahnitshme të punosh me Diplo, Will Smith dhe Nicky Jam, për të cilët kam admirim të madh. Jam adhuruese e futbollit dhe mezi pres të filloj Kampionati Botëror”./revistawho.com
