Ditën e sotme doli kënga e shumëpritur e kampionatit botëror, në të cilën është pjesë edhe zëri i Era Istrefit. Lidhur me këtë ndodhi shumë kolegë të saj e kanë vlerësuar dhe kanë treguar hapur opinionet personale. Një prej tyre është dhe Labinot Tahiri, i cili nëpërmjet një postimi në ‘Instagram’, ka treguar se Era duhet të vlerësohej me kohë, jo sot pasi u bë e famshme edhe në botë.
“Tani normal që e shpërndajnë, se kur kemi suksese jashtë vendit, themi është e jona, ne jemi shqiptarë. Kurse për ditën e Pavarësisë e lanë jashtë listës. Haha çfarë janë disa “organizatorë”.
E kanë të kotë, atë qe e bekon Zoti, nuk e fundos dot as paraja e as njerëzit. E kam përvojën kur njerëzit duan të të rrënojnë. Krenare me ty Era Istrefi. Vlerë kombëtare”,- ka shkruar këngëtari.
Kujtojmë se Era Istrefi u la mënjanë në flamurin e Pavarësisë së Kosovës dhe në të u vendosën Rita Ora, Dua Lipa dhe Majlinda Kelmendi./revistawho.com
