Rrjetet sociale janë mënyra më e thjeshtë dhe më e shpejtë e komunikimit mes personave që duan të ruajnë lidhjet midis tyre, ndonëse në disa raste vlefshmëria humbet për shkak të mbi përdorimit. Kësaj vorbulle për të dhënë dhe marrë sa më shumë informacion, duket se nuk i shpëtojnë as personazhet e famshëm, të cilët e ndjejnë gjithnjë e më shumë nevojën për të freskuar faqet e tyre me informacione të reja për shkak të famës që duhet të menaxhojnë. Madje rrjetet sociale sot tregojnë mjaft hapur se kush nga Vip-at pëlqehet më shumë.
Ne kemi tre shqiptaret më të famshme në botë, të cilat na bëjnë krenarë çdo herë edhe më shumë, Dua Lipa, Bebe Rexha dhe Rita Ora. Të treja këngëtaret janë mjaft aktive në rrjetet sociale kryesisht në ‘Instagram’, por kush është më e ndjekura prej tyre? Listën e kryeson Rita Ora me 13,4 milionë ndjekës, më pas Dua Lipa 11.4 milionë dhe në fund Bebe Rexha e cila ka një diferencë të madhe krahasuar me vajzat, ajo ka vetëm 4.8 milionë ndjekës. /revistawho.com
