Class by Alketa Vejsiu pak ditë më parë ka njoftuar mbajtjen e Class Fashion Show 2018. Një mbrëmje e magjishme e cila do i dedikohet femrës dhe momentit që secila ëndërron. Gjithçka do nisë me të bardhën, për t’iu përshtatur dëshirës së çdo vajze dhe do përfundojë me ngjyrat duke ju sugjeruar fustanet më të bukur për çdo event që ju pret. Në datën 31 Maj në orën 19.30 në Tendën e hotel Continental në Vorë, stafi i Class i pret të gjithë të shijojnë një mbrëmje të veçantë, ku vizioni dhe dashuria për punën do të jenë të shfaqura në çdo detaj të fustaneve që do prezantohen.
Eleganca dhe sharmi i fustaneve të nusërisë do përmbush çdo dëshirë të fshehur të femrave që kanë si synim të kurorëzojnë martesën si nëpër përralla, me koleksionet dhe etiketat ndërkombëtare për sezonin 2018-2019, të brandeve lider. Koleksioni i këtij viti do të jetë plot risi dhe do të mbështetet te materialet e lehta, në mënyrë që nuset të ndihen jo vetëm të bukura, por edhe komode. Dizajnet e veçanta ndjekin linjën e fantazisë për të theksuar figurën femërore me gjithë shkëlqimin e saj. Dantellat, tyli, pëlhurat janë vetëm disa nga trendet që shtëpitë më të mëdha të modës kanë sjellë këtë vit. Ndërsa për fustanet e mbrëmjeve diçka është e sigurt, të veshura me Class do jeni patjetër qendra e vëmendjes në çdo event.
Ky vit do ju ofrojë mundësinë e zgjedhjes mes brendeve më të njohur dhe ‘Made in Albania’ në të njëjtin vend, pasi ajo që do bëjë diferencën do të jetë prezantimi për herë të parë i koleksionit “Class AV” Made in Albania. Një bashkëpunim i Alketa Vejsiut me stilisten Livia Myftari që është materializuar nën etiketën e Class.
Do ketë edhe lule! Kjo frymë do të përcillet në sfilatë, dekor, fustane, dhe disa instalacione që do të jenë prezente për herë të parë në një event të kësaj natyre të organizuar në Shqipëri. Të ftuarit do të priten në një “Welcome Area”, e më pas do të vijohet me shfaqjen.
Fushata “I ‘am” është një tjetër element që përshkoi të gjithë stilin e sfilatës, prej ditës së parë të konceptimit e deri në finalizimin e saj. Si një kauzë gjithëpërfshirëse, ku vajzat dhe gratë e famshme, por edhe ato të panjohurat iu bashkuan pa kushte kësaj iniciative. Ky nuk është vetëm një event prezantues i disa modele fustanesh, por i dedikohet figurës femërore, pa dallim moshe. Sepse secila prej nesh duhet të ndihet e veçantë dhe të përfaqësohet nga e bukura. Modelet më të njohura shqiptare do të performojnë në pasarelë, shumë personazhe VIP do të jenë pjesëmarrës për të parë nga afër këtë organizim të veçantë, por edhe plot surpriza të tjera janë ideuar për të pranishmit, nga dhuratat, tek gjetjet speciale. Mos mungoni!/revistawho.com
