Edhe pse është larg Shqipërisë dhe daljeve publike, emri i saj është vazhdimisht pjesë e vëmendjes mediatike.
Dy muaj pasi është bërë nënë e një vajze, Floriana Garo një një intervistë për “Panorama Plus” tregon se ka përjetuar të gjitha vështirësitë e një vajze që sapo është bërë nënë, duke nisur nga problemet me gjumin dhe deri tek heqja e kilogramëve të tepërt.
“Në fakt, në fillim u gjenda e papërgatitur. Ishte një lodhje shumë e madhe dhe vajza qante shumë. Unë isha pa gjumin me të cilin isha mësuar ta bëja gjithmonë të plotë, e lodhur dhe e nervozuar. Isha e pasigurtë që do ia dilja të isha një nënë e zonja. Kur e shikoja Adian të paqtë, mbushesha me lumturi, por pjesa tjetër ishte sfidë. Tani ia kam marrë dorën më shumë dhe ndihem më e sigurtë, por më duhet të pranoj, balancimi i gjërave të ndryshme në jetë bëhet i vështirë kur vjen në jetë një fëmijë.”-ka thënë Floriana.
Nga ana tjetër Garo ka treguar edhe për stresin që përjetoi për shkak të kilogramëve që shtoi gjatë shtatzënisë.
“Gjatë shtatzënisë mora shumë peshë. Në fund e ndjeja trupin të transformuar për keq, por pas lindjes me shumë regjim dhe fat, i kam hequr thuajse të gjithë kilogramët që shtova. Këtu eci shumë më tepër se në Tiranë dhe mundohem të ushqehem sa më shëndetshëm”-tregon ish- prezantuesja e “Jo vetëm modë”.
Floriana gjithashtu ka zbuluar se vitin tjetër kur vajza të jetë pak më e madhe do të kemi mundësi ta shohim të veshur nuse.
“Po mendojmë diçka për vitin tjetër, por ende pa një plan dhe datë konkrete. Këtë vit ishte e pamundur me Adian kaq të vogël”-tha prezantuesja./revistawho.com
