Bora Kokëdhima është një ndër stilistet më të njohura në vend edhe pse prej më shumë se një viti është shkëputur disi nga kjo fushë. Megjithatë ajo ka vendosur të rikthehet sërish me një linjë veshjesh, këpucësh, çantash dhe kapelesh. Gjatë kohës që ka qëndruar larg punës, Bora ka punuar për t’u perfeksionuar më shumë në punën e saj dhe për të qëndruar pranë familjes dhe të fejuarit, Olsit.
Përpara pak ditësh, Bora festoi 30-vjetorin e saj të lindjes në një festë shumë të thjeshtë familjare. E ftuar tek “Rudina” ajo ka treguar të gjitha detajet e festës dhe si e ka përjetuar këtë moshë. “Isha me familjen dhe të fejuarin. Të them të drejtën të gjitha femrat kur kalojnë nga një 10-vjeçar në një tjetër nuk është se janë shumë të lumtura. Unë jam e çuditshme me kohën, ose më ndodh shumë kohë më parë ose shumë kohë më pas depresioni. Dhe mua më ndodhi në 29-vjetor dhe për 30-vjetorin isha e lumtur dhe e gëzuar. Mami ishte shumë e shqetësuar dhe i thoshte të gjithëve: Mos i flisni”, – ka treguar Bora. Por me siguri ai që e ka bërë të ndihet më mirë ka qenë i fejuari i saj. “Olsi më thoshte: Ti je shumë e bukur, ç’e vret mendjen”, – ka thënë stilistja. Më pas ajo ka treguar se me të fejuarin e saj ka një marrëdhënie shumë të mirë, sepse të dy e mirëkuptojnë njëri-tjetrin. Edhe pse Borës i duhet të jetojë mes Firences dhe Tiranës, të dy e gjejnë kohën për të qëndruar pranë njëri-tjetrit. /revistawho.com
