Për pak javë Afërdita Dreshaj pret t’i jap fund beqarisë me hokeistin Jakub Kindl. Dhe ashtu siç e do zakoni i kohëve moderne, bukuroshja shqiptare, ka nisur festën e beqarisë për të shijuar ditët e fundit si një “vajzë e lirë”. Së bashku me motrën e saj dhe mikeshat më të mira, Afërdita është nisur për një javë në Las Vegas, në vendin e duhur për “festa të çmendura”.
Ndoshta deri më sot një festë të mirëfilltë beqarie kishit parë vetëm në filmat amerikanë, ndërsa Afërdita e ka bërë realitet. Të gjithë festën ajo e ka organizuar me detajet më të vogla, duke filluar që nga itinerari i ditës, veshjet për miket e saj dhe deri tek zbukurimet e ndryshme.
Një vend të veçantë ajo i ka kushtuar edhe fotografive. Në një cep të shtëpisë ka vendosur një letër të veçantë që lexon “Festa e beqarisë së Afërditës”, dhe aty të gjitha vajzat mund të shkrepnin fotografi njësoj si në një event special.
Përveç këtyre sigurisht që nuk mund të mungonin edhe dhuratat e shumta dhe të veçanta nga miket e saj. Madje në një ‘club’ të Las Vegasit ku vajzat ishin mbledhur për të festuar në të gjitha ‘led wall’-et lexohej: “Urime Afërdita”.
Megjithatë me siguri Afërditën e pret një javë e gjatë përpara me surpriza dhe emocione të shumta. Dhe ne mund të themi se kjo duhet të jetë një nga javët më të bukura në jetën e Afërditës, sepse mes mikeve të zemrës nuk mundesh kurrsesi të festosh më bukur se kaq ditët e fundit si beqare. /revistawho.com
